Ni ngombwa guhora ushyira ku gihe igikoresho cyawe cy’ikoranabuhanga na sisitemu zikigize kugirango urinde neza amakuru yawe n’ibikoresho byawe ukoresha kuri murandasi.

Gushyira ku gihe ibikoresho byawe na sisitemu zibigize bigufasha gusiba ibyuho bihora bivumburwa umunsi ku munsi ari nabyo bishobora kwangiza ibikoresho byawe cyangwa bikaba inzira inyurwamo n’abajura bakoresha ikoranabuhanga bakwangiriza.

Uburyo bwo gushyira ku gihe ibikoresho by’’ikoranabuhanga bugendana n’ubwoko bwa sisitemu ukoresha.

Kuri iyi ngingo, tugiye kukwereka uburyo wakoresha igihe ushyira ku gihe mudasobwa (Desktops and Laptops) n’ibindi bikoresho bigendanwa nka telefoni.

Windows OS (Mudasobwa) 

• Banza umenye neza ko igikoresho cyawe cy'ikoranabuhanga cyiri kuri murandasi (Fiber, Ethernet, WI-FI, modem, n'izindi).

• Hitamo uburyo bwo gutangira (Start) → Jya ku Igenamiterere (Settings) → Ibijyanye no gushyira ku gihe n’umutekano (Update & Security) → Ibijyanye no kuvugurura Windows (Windows Update) → Reba amavugururwa ari ku gihe (Check for Updates) → noneho ukande ahanditse gutangira kubishyiramo (Install Now).

macOS (Mudasobwa)

• Banza umenye neza ko igikoresho cyawe cy'ikoranabuhanga cyiri kuri murandasi (Fiber, Ethernet, WI-FI, modem, n'izindi).

• Ahabanza kanda ahari (akamenyetso k’urubuto rwa pome) → jya ahanditse (System Preferences) → ubundi ahakurikira ukande ahanditse gushyira kugihe n’amavugururwa (Software Update) → Ubundi ukande ahanditse gushyira ku gihe nonaha (Update Now) cyangwa kuvugurura (Upgrade Now).

Android  (Ibikoresho bigendanwa) 

• Banza umenye neza ko igikoresho cyawe cy'ikoranabuhanga cyiri kuri murandasi (Fiber, Ethernet, WI-FI, modem, n'izindi).

• Fungura Igenamiterere (Settings) → Kubijyanye na telefoni kanda ahanditse Gushakisha amavugururwa (Check for Updates) → Niba hari amavugururwa ajyanye no gushyira ku gihe, aho gukanda wakira ivugururwa harahita hagaragara hanyuma uhitemo kwinjiza (Install).

• Ukurikije imikorere y’igikoresho ufite (OS) uzabona ahanditse Kwinjiza nonaha (Install Now) → Kwinjiza no kongera gucana (Reboot and install) cyangwa Gushyiramo sisitemu nshyashya (Install System Software) → Aha wakanda aho ariho hose muri ibi bisabwa.

iOS (Ibikoresho bigendanwa) 

• Banza umenye neza ko igikoresho cyawe cy'ikoranabuhanga cyiri kuri murandasi (Fiber, Ethernet, WI-FI, modem, n'izindi).

• (Fungura igenamiterere → Rusange → Kuvugurura Software) (Settings → General → Software Update) ubundi ukande ahanditse Gukuramo no Gushyiramo (Download and Install).

• Shyiramo ijambo ryawe ry’ibanga niba ubisabwe, hanyuma usome amategeko n’amabwiriza. Mbere yo kwemeza banza utekereze ko ubyemeye.

Buri wese arasabwa guhora ashyira kugihe ibikoresho bye by’ikoranabuhanga na sisitemu zibigize. Aribyo bizagufasha gukumira cyangwa kugabanya ingaruka zo gutakaza amakuru cyangwa zo kwangirizwa  n’abajura b’ikoranabuhanga.